Gazetari Edi Oga është i bindur se koronavirusi ka qarkulluar në vendin tonë shumë kohë para se të bëhej konfirmimi zyrtar. I ftuar në emisionin ‘ABC e Mëngjesit’, ai ka zbuluar se ku mund ta ketë marrë virusin. Gazetari u shpreh se një muaj përpara se ky virus të kishte shpërthimin e tij masiv, ndodhej në disa vende të Evropës Perëndimore, vatra të koronavirusit. Kur ka ardhur në Shqipëri, ka patur edhe shenjat e para të infektimit me COVID-19. Ai sqaroi se për një periudhë 10 ditore, kishte humbje të shijes.
“Për një periudhë 10 ditore humba shijen. Kam bindje personale që virusi ka qarkulluar edhe më parë në Shqipëri.
Në momentin që pranohet se 85 % e kalojnë pa shenja, atëherë mund të themi që shumica e kanë kaluar pa e kuptuar.
Ne mund të kemi kaluar koronavirus të tjerë, kemi një bazë mbrojtjeje imunologjike. Por, kush jemi ne që të themi se virusi nuk është krijuar në laborator.
Vjeshtën dhe dimrin që vjen, koronavirusi mund të kthehet. Por nuk besoj se nuk do të jetë i rrezikshëm”, tha Oga.
