Zbardhen të tjera detaje në lidhje me dy rastet e para të shënuara nga koronavirusi në Malin e Zi. Bëhet me dije se pacientët janë dy gra, njëra nga Ulqini dhe tjetra nga Podgorica.
Ato janë të moshës 71 dhe 46 vjeçe, ndërsa nuk është bërë i ditur identiteti i tyre. Të dyja gratë kishin pasur histori udhëtimi. Njëra sapo ishte kthyer nga Spanja, ndërsa tjetra ishte kthyer nga Amerika.
Spanja është vendi i dytë në Evropë pas Italisë, ku është shënuar numri më i madh i personave të prekur nga koronavirusi.
Ndërsa në Shtetet e Bashkuara të Amerikës numërohen më shumë se 5 mijë të infektuar.
Kujtojmë se Mali i Zi ishte vendi i vetëm në Evropë, i cili deri më sot nuk kishte shënuar asnjë të infektuar nga virusi vdekjeprurës.
