Përhapja e shpejtë e koronavirusit po përhap një panik në rang global, teksa mbi 85 mijë persona janë prekur nga ky virus.
Shtetet nga e gjithë bota po marrin masa për parandalimin apo kufizimin e përhapjes së virusit vdekjeprurës. Mirëpo si duket, masat mbrojtëse kundër koronavirusit kanë prekur edhe një nga protagonistët e futbollit anglez.
Mediat e huaja raportojnë se sulmuesi i Tottenham, Son Hueng Min do të futet në karantinë sapo të kthehet nga Koreja e Jugut. Kjo, për të evidentuar rrezikun e infektimit të skuadrës. Në lidhje me këtë, ka reaguar edhe trajneri Jose Mourinho, i cili tha se nuk i takon atij ta marrë këtë vendim.
“Nuk më takon mua ta gjykoj këtë vendim. Në këto situata është e drejtë që masat e nevojshme t’i marrin autoritetet, qeveria. Klubi u përmbahet rregullave të tyren dhe kjo vjen dhe për Sonin”, tha Mourinho për “Special One”.
Kujtojmë se deri më tani, në Korenë e Jugut ka të paktën 2500 raste të Koronavirusit.
