Koronavirusi në Itali ka marrë deri më tani 827 jetë njerëzish.
Autoritetet zyrtare të shtetit fqinj kanë konfirmuar se numri i të infektuarve ka shkuar në 10590.
Kujtojmë se pak më herët OBSH e deklaroi koronavirusin një pandemi.
Zyrtarët e Organizatës Botërore të Shëndetësisë shprehen se përhapja e koronavirusit në mbi 100 vende, kualifikohet tani si një pandemi, një klasifikim që OBSH-ja e kishte shmangur deri tani.
Organizata Botërore e Shëndetësisë rekomandon që njerëzit të lajnë duart, të mos prekin fytyrën, të mos u afrohen njerëzve që kolliten apo teshtijnë dhe të qëndrojnë në shtëpi nëse janë sëmurë.
Shumë nga njerëzit që preken nga koronavirusi kanë simptoma të lehta ose të moderuara, por disa prej tyre sidomos të moshuar dhe me probleme shëndetësore ekzistuese, janë në rrezik të sëmuren më rëndë.
