Një 59-vjeçar nga Lushnja ka humbur jetën mëngjesin e sotëm si pasojë e koronavirusit.
Ai ishte shtruar prej 6 ditësh në terapi intensive, ndërsa vuante nga sëmundje të tjera shoqëruese si: Kardiomiopati e dilatuar, sëmundje renale kronike, diabet mellitus dhe anemi.
“Mëngjesin e sotëm ka ndërruar jetë në spitalin infektiv një pacient 59-vjeçar nga Lushnja, i shtruar prej 6 ditësh në terapi intensive, i konfirmuar me Covid19. 59-vjeçari vuante nga Kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë. Ministria e Shëndetësisë i shpreh ngushëllime familjarëve të të ndjerit”, bëri me dije ministria.
Kështu shkon në 35 numri i personave që kanë humbur jetën nga COVID-19 në Shqipëri.
