Në Policinë e Shtetit janë regjistruar disa lëvizje, teksa Ardi Veliu ka dhënë urdhër për ndërrimin e disa drejtorëve të qarkut dhe kufirit.
Raportohet se drejtori i Policisë së Korçës, Lorenc Paganika është shkarkuar dhe postin e ka marrë Ferdindand Mara. Në Fier është emëruar Drejtor Qarku Bledar Çeliku, ndërsa në Berat i është besuar detyra Neritan Nallbatit.
Po ashtu, janë ndërruar edhe drejtorët e Kufirit në Vlorë, Gjirokastër, Tiranë e Korçë. Drejtor i Kufirit në Korçë është emëruar Andin Marku, i cili më parë ishte në Fier.
Nga ana tjetër, ish-drejtori i Kufirit në Korçë, Arben Joca, është emëruar në të njëjtin post në Gjirokastër.
Nga detyra është larguar edhe drejtori i Kufirit në Vlorë, Luan Hysenaj. Ndërsa Arben Ibro emëruar në krye të Drejtorisë së Kufirit në Tiranë.
