Koronavirusi ka shënuar 5 viktima në 24 orët e fundit në Serbi, duke e çuar në 99 numrin total të vdekjeve.
Sipas mediave vendase, brenda 24 orëve janë zhvilluar një numër rekord prej 2,880 testimesh. Nga këto vetëm 400 persona kanë rezultuar pozitiv me COVID-19.
Kështu numri i rasteve në total shkon në 4,873 në Serbi. Deri më tani në këtë vend kanë arritur ta mposhtin koronavirusin 400 persona, ndërsa 4,374 raste janë ende aktive.
Ndërkohë mësohet se 128 persona ndodhen në gjendje kritike për jetën. Serbia është një nga vendet më të prekura nga koronavirusi në gadishullin e Ballkanit.
Më shumë se 2 milionë njerëz nga e gjithë bota janë prekur nga COVID-19, ndërsa mbi 128 mijë persona kanë humbur jetën.
