Tre persona të tjerë kanë humbur jetën nga koronavirusi në Maqedoninë e Veriut.
Kështu ka shkuar në 54 numri total i personave që kanë humbur jetën nga COVID-19 në vendin fqinj. Sipas mediave vendase, brenda 24 orëve të fundit janë bërë 263 teste, nga të cilat kanë rezultuar pozitive vetëm 18.
Numri më i madh është shënuar në Kumanovë (9), Shkup, Tetovë dhe Shtip nga dy raste ndërsa Veles dhe Gostivar nga një rast. Ndërkohë është evidentuar rasti i parë edhe në Pehçevë.
Që nga shpërthimi i koronavirusit, në Maqedoninë e Veriut janë shënuar 1,225 raste infektimi.
