Mediat britanike bëjnë me dije se është shënuar viktima e parë nga koronavirusi në Mbretërinë e Bashkuar.
Pacienti kishte qenë i shtruar më parë në spital, për arsye të tjera shëndetësore.
Por të mërkurën në mbrëmje ai ishte zhvendosur në një spital tjetër, ku edhe është konfirmuar pozitiv me virusin vdekjeprurës.
Brenda 48 orëve, numri i rasteve të infektimit me koronavirus është dyfishuar. Nga 51 të infektuar që u raportua dy ditë më parë, sot numërohen rreth 116 persona të prekur.
Nga këto raste: 105 janë regjistruar në Angli, 3 në Uells, 6 në Skoci dhe 3 në Irlandën Veriore.
