Italia nuk po gjen paqe prej ditësh tashmë, për shkak të gjendjes alarmante që ka krijuar përhapja e koronavirusit në vend.
Mediat italianë raportuan pak më parë se në 24 orët e fundit kanë ndërruar jetë 627 persona nga virusi Covid-19.
Kështu koronavirusi në Itali e ka çuar në 4,032 numrin e viktimave në total. Ndërsa numri i të prekurve ka kapur shifrën 37,860 pacientë.
Profesori në Universitetin Katolik të Romës, Roberto Bernabei ka bërë të ditur se mosha mesatare e të infektuarve në Itali është 63 vjeç.
Ndërsa mosha e vdekshmërisë së personave nën 60 vjeç është më pak se 10%, teksa pjesa tjetër është 60 vjeç e lart.
Italia ka shënuar vdekshmërinë më të madhe në botë të personave të infektuar nga ky virus. Ndërsa Kina mban ende rekordin për numrin më të madh të infektuarve nga Covid-19.
