Bëhet me dije se Partia Socialiste i ka pezulluar të gjitha takimet partiake për shkak të përhapjes së koronavirusit në vend.
Kreu i Grupit Parlamentar të PS-së, Taulant Balla iu ka dërguar një mesazh të gjithë deputetëve, me anë të cilit i ka njoftuar për pezullimin e takimeve.
Takimet partiake të PS janë pezulluar deri më datë 3 prill.
“Kolegë, në kuadër të masave të domosdoshme për situatën e emergjencës, ju lutem pezulloni të gjitha takimet e partisë deri në datën 3 prill”, thuhet në mesazhin e Ballës.
Kujtojmë se deri më tani, Ministria e Shëndetësisë ka konfirmuar 10 raste infektimi me koronavirus në vend.
