Ministria e Infrastrukturës dhe Energjetikës bën me dije se janë anuluar të gjitha lëvizjet me mjetet e transportit detar nga të gjitha portet drejt Italisë së Veriut.
Në një urdhër të firmosur nga ministrja e Infrastrukturës, Belinda Balluku, thuhet se ndalohen të gjitha lëvizjet me mjetet e transportit detar nga të gjitha portet drejt Italisë së veriut, deri në një urdhër të dytë.
Kujtojmë se pak më parë u njoftua edhe anulimi i të gjitha fluturimeve nga Aeroporti “Nënë Tereza” drejt Italisë së veriut.
Këto masa u morën pas konfirmimit të dy rasteve të para, me koronavirus në vendin tonë.
