Mjekët janë përballur me një fenomen përsëritës së koronavirusit. Pacientët e shëruar nga koronavirusi, rezultojnë sërish pozitivë.
Rreth 14% e personave që janë shëruar nga (Covid-19) dhe kanë dalë nga spitali, kanë rezultuar sërish pozitiv.
Mediat ndërkombëtare shkruajnë se Kina dhe Koreja e Jugut kanë nisur të raportojnë raste të reja të infektuarish, që përkojnë me personat që tashmë janë konsideruar të shëruar. Konkretisht Kina ka raportuar 433 persona të infektuar, ndërsa Koreja e Jugut, 1766.
Personeli mjekësor është përballur me një të dhënë të re, që ka shokuar mbarë botën. Numri i të infektuarve po rritet me shifra të frishme, e po kështu edhe numri i të vdekurve. Pas Kinës, vendin e radhës e mban Italia, e cila duket se nuk po gjen qetësi.
Zyrtarët shëndetësorë pranojnë se ata janë akoma duke mësuar rreth koronavirusit të ri dhe se si funksionon ai brenda trupit të njeriut. I njëjti fenomen përsëritës është raportuar në Japoni. Një grua tek të 40-at që ishte rikuperuar dhe rezultuar negative për virusin, është deklaruar sërish e infektuar, vetëm tre javë më vonë.
Autoritetet e këtyre vendeve janë vënë në gjurmim e pacientëve të mëparshëm, edhe pasi janë larguar nga spitali.
