Organizata Botërore e Shëndetësisë në Shqipëri i ka ardhur në ndihmë shqiptarëve me disa këshilla të vlefshme në këtë periudhë ku vendi është prekur nga koronavirusi.
Në mënyrë që të moshuarit mbi 60 vjeç ta mbajnë veten sa më të sigurt, OBSH këshillon që ata të kontrollohen për simptomat e zakonshme dhe të mbajnë të informuar familjarët nëse kanë nevojë për ndihmë.
Ja disa nga këshillat:
“Sigurohuni për ndjekjen e udhëzimeve të #DistancimitShoqëror.
-Lani duart shpesh dhe tërësisht, madje edhe teksa keni vendosur një maskë.
Për të moshuarit mbi 60 vjeç dhe njerëzit me gjendje shoqëruese shëndetësore, është jetësore të:
-Kontrolloheni për simptomat e zakonshme. Mbani të informuar familjen/miqtë tuaj në rast se keni nevojë për ndihmë.
-Kërkoni menjëherë shërbim të kujdesit shëndetësor, nëse hasni vështirësi me frymëmarrjen. Telefononi më parë, nëse është e mundur”.
Deri tani në Shqipëri numërohen 634 të infektuar dhe 27 viktima nga COVID-19 i cili goditi vendin tonë më 9 Mars.
