Një situatë kaotike ka ndodhur në aeroportin e Kievit, ku sikundër duket qartë edhe nga pamjet, turistët kanë shpërthyer dyert, pasi refuzojnë të futen në karantinë.
Qindra turistë ukrainas kanë refuzuar të kalojnë në karantinën e koronavirusit të organizuar nga shteti, pasi fluturuan nga Vietnami.
238 ukrainasit të cilët ishin bllokuar në Vietnam për shkak të shpërthimit të pandemisë vdekjeprurëse, arritën në kryeqytetin e tyre, pasi u riatdhesuan nga Ho Chi Minh.
Autoritetet ukrainase kërkuan që turistët të shkojnë në karantinë, në hotelet e aeroportit për dy javë.
Autobusët kanë qenë në pritje në aeroport, për të dërguar turistët në karantinën e shtetit. Por shumica prej tyre refuzuan, dhe në vend të kësaj u kthyen në shtëpi në mënyrë të pavarur.
