Mbrëmjen e sotme një lajm i mirë ka ardhur nga Kosova lidhur me koronavirusin.
Raportohet se gjatë 24 orëve të fundit, nuk është regjistruar asnjë rast i ri me COVID-19.
Ministri në detyrë i Shëndetësisë në Kosovë, Arben Vitia, përmes një postimi në rrjetin social Facebook, bëri me dije se gjatë 24 orëve janë testuar 138 persona dhe asnjëri prej tyre nuk ka rezultuar pozitiv me koronavirus.
Kjo është hera e parë që nuk është shënuar asnjë person i infektuar, brenda periudhës 24 orëshe, prej kur janë paraqitur rastet e para më 13 mars.
“Si në të gjitha vendet, edhe ne jemi futur në një normalitet të ri, me të cilin duhet të mësohemi”, tha Vitia.
