Gjatë 24 orëve të fundit, 610 persona kanë ndërruar jetë në Itali si pasojë e koronavirusit, ndërkohë dje u raportuan 542.
Një rritje ka pësuar gjithashtu edhe numri i rasteve të reja të konfirmuara, 4,204 në 24 orë, rreth 400 më shumë se dje.
Italia është vendi me numrin më të lartë të viktimave nga COVID-19, 18,279, ndërsa numri total i të prekurve ka shkuar 143,626.
Vlen të theksohet fakti se pavarësisht rritjeve të lehta, këto numra janë shumë më të ulët se ato të javëve më parë.
Shteti fqinj ndërkohë vijon që të jetë në karantinë, me shpresën se ky “makth” do përfundojë.
