Kancelarja Angela Merkel deklaroi publikisht se ka folur me liderët e 16 rajoneve gjermane, të cilëve u ka bërë të ditur lehtësimin e disa masave lidhur me COVID-19.
Të dhënat e fundit nga Instituti gjerman Robert Koch, Merkel i ka cilësuar “lajme shumë të mira”.
“Shifrat tani janë të ulëta, kjo është diçka për të cilën jam e kënaqur”, u shpreh ajo.
Kujtojmë se Gjermania deri më tani ka regjistruar më shumë se 167,000 të infektuar me koronavirus dhe më pak se 7,000 persona të vdekur.
Distancimi fizik do të mbetet në fuqi deri më 5 qershor, ndonëse masat e tjera do të lehtësohen gradualisht.
Kancelarja njoftoi se pjesëtarë të të dy familjeve tani do të lejohen që të takohen në publik.
