Në Turqi është rënduar bilanci nga koronavirusi. Aktualisht bëhet fjalë për 92 të vdekur, ndërkohë që janë konfirmuar edhe 5698 të infektuar.
Presidenti turk, Recep Tayyip Erdogan, ka marrë vendimin për të pezulluar të gjitha fluturimet, kjo si një mënyrë efikase për të parandaluar përhapjen e COVID-19.
Sa i përket transportit të brendshëm, Erdogan tha se udhëtimet brenda qyteteve do të bëhen vetëm me lejen e policisë.
“Nëse i marrim të gjitha këto masa paraprake, me lejen e Allahut besojmë se do ta kapërcejmë këtë çështje. Ne vazhdojmë luftën të vendosur kundër COVID-19, së bashku me popullin tonë, me bindjen se asnjë fatkeqësi nuk është më e madhe se fuqia jonë”, tha presidenti turk.
Po kështu ai i bëri thirrje popullit të qëndrojnë të qetë, dhe të mos kenë frikë.
