Edhe Mbretëria e Bashkuar vijon të shënojë rritje konstante, në numrin e viktimave të shënuara nga koronavirusi.
Sipas mediave britanike, në 24 orët e fundit kanë ndërruar jetë 181 persona, duke e çuar në 759 numrin total të viktimave.
Kjo shifër e shënuar brenda 24 orëve është një rekord për vendin, shifra më e lartë e të cilit ishte 115 dhe u regjistrua ditën e djeshme.
Mbretëria e Bashkuar pëson kështu një rritje prej 21% të numrit të vdekjeve nga Covid-19. Deri më tani raportohen 14,543 raste infektimi, ndërsa 135 pacientë janë shëruar.
Mbretëria e Bashkuar renditet e shtata me numrin më të lartë të vdekjeve në botë pas Italisë, Spanjës, Kinës, Iranit, Francës dhe SHBA.
