Koronavirusi lindi në laboratorin e Wuhan-it? Kjo pyetje po shtrohet çdo ditë e më shumë, e ndërsa krerët e shteteve të ndryshme, duket se ndajnë të njëjtin qëndrim. Presidenti i Francës, Emmanuel Macron, ka hedhur dyshimet e rënda ndaj Kinës. Ai është shprehur tekstualisht se është naive të mendosh se Kina e ka luftuar më mirë COVID-19. Duket se diçka e madhe fshihet pas atyre shifrave.
Macron ka shtuar edhe më tej dyshimet për mënyrën e trajtimit të koronavirusit në Kinë, pas shpërthimit të tij në fund të muajit dhjetor 2019. Duke folur për “Financial Times”, i pari i Francës ka thënë se askush nuk e di si kanë ndodhur gjërat në Kinë.
Më tej ai i është përgjigjur edhe mesazhit të Ambasadës Kineze në Francë, e cila shprehej se vendet perëndimore kishin lënë të moshuarit të vdisnin nëpër shtëpi. Pas kësaj deklarate, Ministria e Jashtme Franceze kishte thirrur ambasadorin e Kinës, për të shprehur mos dakordësi.
Në reagimin zyrtar, Kina e hodhi poshtë këtë gjë. Me anë të zëdhënësit të qeverisë, Zhao Lijian, tha se “Kina nuk ka bërë kurrë ndonjë koment negativ në lidhje me mënyrën se si Franca po e lufton pandeminë, dhe nuk ka ndërmend ta bëjë një gjë të tillë”.
Autoritetet shëndetësore në Francë kanë njoftuar se dje kanë humbur jetën 753 persona, dhe numri total i viktimave ka shkuar në 17.920. Numri të infektuarve në vend është 147.863.
Po ashtu bëhet me dije se deri më tani janë shëruar 32.812, dhe në gjendje kritike për jetën janë 6.248 persona.
