Edhe futbolli nuk i ka shpëtuar koronavirusit. Tashmë është konfirmuar rasti i parë me virusin vdekjeprurës në La Liga. Mbrojtësi i Valencias, Ezekiel Garaj ka rezultuar pozitiv në analizat për virusin famëkeq.
Këtë e ka konfirmuar vetë futbollisti, i cili në një postim në faqen zyrtare shkruan se ka rezultuar pozitiv me koronavirus, por nuk ka asnjë rrisk. Ai po kështu thekson se duhet që të respektojë rregullat dhe të qëndrojë i izoluar.
“2020-ta nisi me këmbën e gabuar. Unë kam rezultuar pozitiv me koronavirus, por ndihem shumë mirë. Tani duhet të respektoj rregullat për shëndetin, dhe duhet të qëndroj në izolim”, shkruan argjentinasi.
33-vjeçari nuk ishte as në stolin e rezervave në dy ndeshjet me Atalantën në Ligën e Kampionëve, pasi vuan nga një dëmtim në ligament që nga fillimi i shkurtit.
