Kryeministri Edi Rama ka shpërndarë një video në Facebook, ku tregohen disa mesazhe “që koronavirusi ka për qytetarët”.
“Virusi ka këtë videomesazh për ju. Ndiqeni me vëmendje ju lutem”, shkruan Rama krahas videos.
“Si të njoha:
- Unë jam fuq po jam i fuqishëm.
- S’kam armë por mund të vras.
- S’kam këmbë, por lëviz më shpejt se ti.
- S’kam duar por mund të kapem kudo.
- Je i madh por je i dobët.
- Ke sy por s’më sheh dot.
- Ke veshë por s’më dëgjon”, janë disa nga mesazhet e adresuara në këtë video.
Ndërkohë Rama vijon të shtojë masat kufizuese në kuadër të luftës për frenimin e koronavirusit. Masa më e fundit ishte ajo për pajisjen me ‘leje-daljeje’, për një person të familjes që mund të dalë brenda orarit 05:00-13:00.
Ndërkohë përmes një videomesazhi të shpërndarë në Facebook, ministrja e Shëndetësisë, Ogerta Manastirliu, njoftoi sot shtyrjen pa afat të këtyre masave kufizuese. Sipas saj, këto masa do të mbeten aktive deri në mposhtjen përfundimtare të koronavirusit.
