Një ditë pasi nisi heqja e bllokimeve në të gjithë vendin, një ligj i ri ka hyrë sot në fuqi në Francë.
CNN raporton se ligji i ri e zgjat kohën e gjendjes së jashtëzakonshme në Francë, deri më 10 korrik. Ligji i jep shtetit fuqinë për të zbatuar masa si kufizimin e udhëtimit brenda 100 kilometrave (62 milje) nga shtëpia, duke i bërë maskat të detyrueshme për transportin publik dhe ndalimin e tubimeve të më shumë se 10 personave.
Projekt-ligji kaloi në parlament këtë fundjavë dhe u shqyrtua nga Gjykata Kushtetuese të hënën. Gjykata hoqi disa dispozita, si lejimin e qeverisë për të mandatuar karantinë për udhëtarët jashtë shtetit pa urdhrin e gjykatësit.
Ai gjithashtu përforcoi mbrojtjet e intimitetit rreth të dhënave personale që do të mblidheshin në një sistem gjurmimi që ende nuk është zhvilluar.
Sipas Worldometer, Franca është vendi i gjashtë më i prekur nga koronavirusi në botë, pas SHBA-ve, Mbretërisë së Bashkuar, Spanjës, Rusisë dhe Italisë.
Deri më tani, Franca regjistron mbi 177 mijë raste infektimi dhe mbi 26 mijë viktima.