Bilanci i vdekjeve nga koronavirusi vijon të rritet ndjeshëm në gjithë botën.
Pas numrit të frikshëm të viktimave (475) që raportoi Italia për 24 orët e fundit, edhe Britania e Madhe ka publikuar përditësimin e situatës.
Mediat britanike bëjnë me dije se janë shënuar edhe 32 viktima të tjera nga koronavirusi në vend. Kështu numri total i viktimave në Britani ka shkuar në 104.
Ndërsa rritje është parë edhe në evidentimin e rasteve të reja në Britani, ku vetëm në orët e fundit janë regjistruar 676 raste të reja infektimi.
Gjithsej në Britaninë e Madhe janë shënuar 2,262 raste infektimi me koronavirus.
Nëntëdhjetë e nëntë pacientë të diagnostikuar me COVID-19 në Angli tani kanë vdekur. 32 pacientët e fundit që vdiqën ishin të moshës midis 59 dhe 94 vjeç dhe kishin kushte themelore shëndetësore, tha NHS England.
Personi më i ri që vdiq në Mbretërinë e Bashkuar pas testimit pozitiv për koronavirus është 45-vjeçari Craig Rushton, nga Kettering, i cili kishte qenë duke luftuar sëmundjen e neuroneve motorike.
