Kryeministri Edi Rama deklaroi së fundmi se është shumë në merak, lidhur me situatën e krijuar nga koronavirusi në vend.
Kreu i Qeverisë iu bëri thirrje qytetarëve që të tregohen të kujdesshëm dhe që të mos tallen me COVID-19.
“Jam shumë në merak, numrat në Tiranë nuk po flasin mirë. Bëni kujdes o njerëz, kujdes, kujdes, kujdes.
Me shëndetin dhe me jetën tuaj dhe të familjes nuk luhet. Shani e shfryni sa të doni, por virusin mos e përqeshni sepse është real dhe vrastar. Lus Zotin që të mos turpërohemi.
Jam shumë në merak, kjo fazë ku kemi hyrë është shumë delikate, virusi nuk ka ikur.
Sjellja individuale e secilit nuk duhet të jetë njësoj si më parë se pastaj një valë e re infeksioni ndoshta më agresive se e mëparshme, do vijë”, u shpreh Rama.
