Koronavirusi iu ka marrë jetën 39 personave ditën e sotme në Mbretërinë e Bashkuar.
Situata është përkeqësuar mjaft ditët e fundit në këtë vend, teksa numri total i viktimave ka shkuar në 184. Sa i përket numrit të të prekurve, Mbretëria e Bashkuar ka konfirmuar deri më tani 3,269 raste.
Mbretëria e Bashkuar është një nga vendet më të prekura nga koronavirusi në kontinentin e Evropës, i cili është kthyer tashmë në epiqendrën e re të koronavirusit.
Shtetet më të prekura nga koronavirusi në Evropë janë Italia dhe Spanja. Italia shënoi një rekord të ri ditën e djeshme, duke ia kaluar edhe Kinës për numrin më të madh të viktimave të shkaktuara nga koronavirusi që nga shpërthimi i tij.
Prej ditësh tashmë në Itali po numërohen më shumë se 400 viktima në ditë nga ky virus. Deri më tani Italia shënon më shumë se 3, 400 viktima.
Edhe Spanja ka një rritje të ndjeshme të numrit të viktimave, duke numëruar deri më tani më shumë se 1 mijë viktima.
