Koronavirusi kinez po merr masa më të mëdha nga dita ditës, teksa në 24 orët e fundit janë shënuar 251 viktima.
Ky është numri më i lartë i viktimave që ky koronavirus ka shkaktuar brenda një dite të vetme, teksa rekordi i mëparshëm që mbante ishte sa gjysma e kësaj shifre. Gjithashtu është shënuar një rritje e ndjeshme në numrin e rasteve të identifikuara me këtë koronavirus, i cili ka regjistruar mbi 15 mijë raste të reja brenda 24 orëve të fundit.
Sipas autoriteteve kineze, numri i rasteve të dyshuara me koronavirus ka arritur shifrën e mbi 60 mijë personave. Ndërkohë raportohet se nga këta, mbi 8 mijë persona ndodhen në gjendje të rëndë për jetën e tyre.
