Një anë e fshehtë e pandemisë së koronavirusit, është ndikimi i saj mbi shëndetin mendor të njerëzve. Kjo vlen jo vetëm për ata që janë fatkeq që preken nga virusi, por edhe për shumë të tjerë, si pasojë e masave parandaluese që duhet të merren.
Javën e fundit janë botuar 3 studime të rëndësishme, që kanë analizuar ndikimin e koronavirusit, dhe kufizimet që sjellin mbrojtjen nga infeksioni. Efekti mbi shëndetin mendor, është një temë e anashkaluar nga shumica e medieve. Gjithsesi, hulumtimi i ri nga 3 universitete të ndryshme, ofron shembuj të çështjeve më komplekse që burojnë nga prishja e normalitetit social.
Ankth dhe depresion tek të rinjtë
Nivelet e stresit janë rritur në mesin e studentëve, sidomos mes atyre që shkuan në universitet për herë të parë në shtator të këtij vitit 2020. Për shkak të kërkesave periodike të bllokimit, disa studentë janë futur në banesa të vogla me një dhomë.
Studiuesit nga Kolegji Dartmauth në Britaninë e Madhe, zbuluan se studentët ishin më të shqetësuar, më të dëshpëruar dhe më të rënë moralisht gjatë shpërthimit fillestar të Covid-19, krahasuar me studentët e mëparshëm të anketuar në fillim të viteve të tjera akademike. Studimi përdori një qasje lëvizëse, ku u përdor një kombinim i pyetësorëve mbi varësinë ndaj smartfonëve dhe pajisjeve digjitale, me përgjigjet e marra nga mbi 200 studentë. Kërkimi u botua në “Journal of Medical Internet Research”.
Distancimi social po rrit vetminë tek të moshuarit
Duke lëvizur në skajin tjetër të spektrit të moshës, një studim nga Skocia ka analizuar efektin e njërës prej masave të rëndësishme për të shmangur transmetimin e sëmundjes:qëndrimin larg njerëzve të tjerë, dhe mbajtjen e një distancë prej 2 metrash, kur jeni në ambiente të jashtme.
Shumë njerëz të moshuar që janë vetëm, përballen me ndjenjën e vetmisë gjatë kohërave “normale”. Masat e ndërmarra gjatë pandemisë së koronavirusit, vetëm sa i kanë thelluar këto ndjenja. Studiuesit nga Universiteti i Stirlingut në Angli, kanë treguar një lidhje midis përkeqësimit të mirëqenies dhe shëndetit midis atyre të moshës 60 vjeç e sipër, dhe domosdoshmërisë për të mbajtur në një distancë fizike nga të tjerët.
Kjo u bazua në të dhënat e mbledhura në lidhje me 1.429 pjesëmarrës në sondazh, me grupin e studimit ku 84 për qind ishin të moshës 60 vjeç e lart, dhe që zakonisht kishin një rrjet social me 5 persona. Para pandemisë 2020, pjesëmarrësit në studim kishin tendencën të shoqëroheshin më të tjerët 5 ditë në javë, për më shumë se 6.6 orë në javë.
Nën masat e rrepta për shkak të koronavirusit, rrjeti social është tkurrur, dhe koha e kaluar në shoqërinë e të tjerëve është zbehur, duke çuar në një rritje të problemeve mendore tek të moshuarit. Të dhënat i janë shpërndarë edhe qeverisë skoceze.
Kostoja psikologjike nga mbyllja e Zelandës së Re për shkak të Covid-19
Duke u larguar nga Ishujt Britanikë, një studim nga Zelanda e Re, ka analizuar efektin e bllokimit të detyruar të mirëqenies psikologjike të individëve. Të dhënat i japin profesionistëve të shëndetit një element që duhet marrë në konsideratë: 30 për qind e atyre që u anketuan, raportuan një shqetësim të moderuar deri të rëndë psikologjik, dhe 16 për qind kishin nivele mesatare deri të larta ankthi.
Pothuajse 40 për qind e të anketuarve, thanë se niveli i tyre i mirëqenies së tyre mendore ishte i ulët. Këto nivele janë shumë më të larta, krahasuar me vitet para pandemisë. Përfundimet janë raportuar në revistën “PLoS One”.
Burimi i lajmit: http://www.digitaljournal.com/life/health/the-dark-side-of-the-pandemic-coronavirus-and-mental-health/article/580830
Përshtatur nga TIRANA TODAY
