Policia Rrugore e Tiranës ka zhvilluar disa kontrolle gjatë natës në autostradën Tiranë-Durrës dhe në rrugët e kryeqytetit, për rritjen e parametrave të sigurisë në fundjavë.
Kështu, policia ka konstatuar shkelje si tejkalim shpejtësie, drejtim mjeti nën ndikimin e alkoolit, drejtim mjeti pa vënë rripin e sigurimit, apo duke përdorur celularin.
Në përfundim, policia bën të ditur se:
Pezullohen 15 Leje Drejtimi për tejkalim shpejtësie që varion nga 141 deri në 185 km/orë.
Pezullohen 11 Leje Drejtimi për drejtim mjeti nën ndikimin e alkoolit
Arrestohet 1 drejtues mjeti, pasi kapet në gjendje të dehur.
36 masa administrative për mosvendosje të rripit të sigurimit.
8 drejtues mjetesh për komision për shkelje të semaforit.
4 drejtues mjetesh janë këshilluar për shpejtësi mbi normat e lejuara, pasi arsyeja e shpejtësisë ishte për urgjenca mjekësore të pjesëtareve të familjes.
Në një rast automjeti me një fëmijë të sëmurë është shoqëruar me urgjencë nga patrulla e Policisë Rrugore në drejtim të spitalit për të evituar vonesat gjatë rrugës.
