Ish-ministri i Drejtësisë, Ylli Manjani ka shprehur revoltën e tij ndaj veprimeve të Policisë së Shtetit, pas përfundimit të protestës së shqiptarëve. Në reagimin e radhës në Facebook, ai thekson se sjellja e policisë ndaj protestuesve ka qenë e paligjshme.
Këtu ai i referohet faktit se janë kontrolluar banesa pa vendim gjykate, e po kështu protestuesit janë goditur me duar të lidhura. Manjani nënvizon ndër të tjera se policia është e motivuar nga urrejtja politike, dhe jo nga ligji.
