Cristiano Ronaldo është duke kaluar një moment mjaft të vështirë në fushën e lojës , por edhe në jetën personale. Në aventurën me Juventusin, pesë herë fituesi i “Topit të Artë” ka shënuar vetëm tre gola dhe është ndëshkuar me karton të kuq në sfidën e Champions League me Valencia. Por nga ana tjetër kanë bërë shumë bujë edhe akuzat e ngritura nga një shtetase amerikane për përdhunim. Ndërsa së fundmi një çështje tjetër e nxehtë ka dalë në skenë që lidhet me të atin e të fejuarës së tij.
Tabloidi britanik “The Sun” në një artikull të publikuar ditën e sotme zbulon se babai i Georgina Rodriguez, është një trafikant droge, i dënuar me 10 vite burg. Jorge Rodriguez, 69-vjeç, ka kaluar 10 vite në burg për trafik kokainë dhe kanabis. Vajza e tij, 24-vjeçare ka nisur një romancë me ish-yllin e Real Madrid që nga viti 2016-të, me të cilin ka edhe një vajzë që quhet Alana Martina. Vogëlushja erdhi në jetë më 12 nëntor të vitit të kaluar (2017).
Jorge është argjentinas dhe ka tre fëmijë. Ai u dënuar për dy vepra penale në Spanjë në vitin 2003 me 11 vite burg, pasi udhëhoqi një komplot të dështuar për transportimin (kontrabandë) e më shumë se 100 mijë euro të kokainës së pastër nga gadishulli iberik drejt Francës.
Në vitin 2008-të fitoi lirinë, por shumë shpejt u rikthye pas hekurave për kontrabandë. Ai tentoi të transportonte nga Maroku në Spanjë kanabis në bashkëpunim me disa të tjerë, por fitoi lirinë në 2013-ën. Policia gjeti në një depo, ku ata kishin fshehur lëndën narkotike, armë dhe plumba.
Ky lajm i jep një tjetër goditje, sulmuesit portugez, i cili po hetohet nga Policia e Las Vegas-it për përdhunimin e një vajzë në vitin 2009-të. Akt të cilin ai mohon ta ketë bërë, përkundrazi 33-vjeçari ka deklaruar se e gjitha është një trillim për të përfituar nga emri dhe fama e tij.
Nga ana tjetër, modelja spanjollo-argjentinase nuk ka preferuar asnjërin nga rastet, ndërsa ka publikuar një foto me fëmijët në profilin e saj në “Instagram”, ku ka shkruar: “”Babai i bekuar, Cristiano, me to të gjitha ditët janë të mrekullueshme”.
