Ambasadorja e SHBA në vendin tonë, Yuri Kim, ka reaguar në lidhje me ecurinë e Reformës Zgjedhore. Në një postim në Twitter, ajo njofton se ka patur progres, por mbeten pa zgjidhur edhe 2-3 çështje.
“Më shumë progres sot, 2-3 çështje të mbetura. Partitë duhet të punojnë gjatë fundjavës, për të arritur një marrëveshje brenda 31 majit, siç premtuan. Në negociata, jo çdokush do të marrë atë që meriton. Jeni pranë, mos pushoni, mos zhgënjeni”, shkruan Kim.
Deri më tani është gjetur dakordësia për shkurtimin e periudhës zgjedhore nga 3 në 1 muaj, financimin miks dhe kuotat gjinore. Palët ndahen tek përdorimi i teknologjisë në zgjedhje, depolitizimi i administratës zgjedhore, ku PS e kërkon të plotë, ndërsa opozita miks.
