Këtë javë, pothuajse një vit pas zgjedhjes së Donald Trump, Facebook, Twitter dhe Google po dëshmojnë para komisioneve të Dhomave dhe Senatit për rolin që rrjetet sociale dhe kanë luajtur në manipulimin e zgjedhjeve të vitit 2016.
Pjesa më e madhe e fokusit është përqendruar te Facebook. Agjencia e Kërkimeve në Internet, rrëzoi qindra faqe të dizajnuara si grupe aktivistësh në SHBA dhe bleu mijëra reklama në Facebook për çështjet si raca, feja, të drejtat e LGBT dhe armët.
Anëtarët e Kongresit do të kenë pyetje për përfaqësuesit e Twitter dhe Google, por shumica do të fokusohet te Facebook, si për shkak të dominimit të kompanisë dhe për shkak të shkallës së operacioneve ruse në faqen e saj. Facebook cilëson se 126 milionë njerëz mund të kenë qenë të ekspozuar ndaj përmbajtjes së krijuar nga faqet ruse.
Përfaqësues nga të tre kompanitë u paraqitën para Nënkomitetit të Gjykatës së Senatit për Krime dhe Terrorizëm të martën. Të mërkurën, ata do të paraqiten para komisioneve të Inteligjencës së Dhomës dhe Senatit, ku secila po heton ndërhyrjen ruse prej muajsh. Këtu janë disa nga pyetjet që mund të bëhen të mërkurën.
Tetë pyetjet që Kongresi do t’i drejtojë Facebook:
- A e ka marrë seriozisht Facebook ndërhyrjen e Rusisë në vitin 2016?
- Sa prova të kësaj ndërhyrje ka kërkuar Facebook?
- Si u synuan reklamat? A është synuar zhvillimi i fushatave politike?
- A ka në plan Facebook të tregojë amerikanët që ishin në shënjestrën e rusëve?
- Çfarë mësoi Facebook nga operacionet ruse dhe raportin me vendet e tjera?
- Si do të përcaktojë Facebook çfarë është dhe çfarë nuk është një reklamë politike?
- Sa njerëz të Facebook do të punojnë me monitorimin e reklamave politike?
- A do të vazhdojë të integrohet Facebook me fushatat politike? (TIRANA TODAY)
