Ish-Ministri i Brendshëm, Sandër Lleshaj është shprehur se asnjëherë nuk ka patur një marrëdhënie të ngrohtë me kryeministrin Edi Rama.
Ai u shpreh, se me Ramën ka patur marrëdhënie profesionale korrekte dhe kjo ka mbetur e tillë, duke thënë se shefi i qeverisë nuk e ka “hequr qafe”.
Flitet se ka patur një kontradiktë mes jush dhe Kryeministrit Rama në një mbledhje qeverie. A ka qenë ky një moment kur Rama “ju ka hequr qafe” për të shlyer edhe këtë kontradiktë mes jush?
Sandër Lleshaj: Nuk jam një person që hiqem qafe lehtësisht.
A keni patur konflikt me Kryeministrin?
Sandër Lleshaj: Nuk kam patur marrëdhënie të ngrohta me Kryeministrin dhe nuk mbaj marrëdhënie të ngrohta me shumë njerëz. Kam patur një marrëdhënie profesionale, korrekte. Është marrëdhënie intelektuale, profesionale, njerëzore dhe është një model shumë i mirë i raportit mes Ministrit të Brendshëm dhe Kryeministrit të një vendi. Një marrëdhënie krejt profesionale, e pacenuar nga asnjë lloj raporti tjetër.
