Ministri i Shëndetësisë, Fahrettin Koca ka konfirmuar rastin e parë me koronavirus në Turqi.
Përmes një konference për mediat, Koca sqaroi se personi i prekur është në gjendje të mirë shëndetësore. Ai iu bëri apel qytetarëve të mos dalin jashtë vendit në rast se nuk kanë emergjencë.
“Të gjithë anëtarët e familjes dhe të afërmit e tij janë nën mbikëqyrje. Një rast apo disa raste (me koronavirus) nuk duhet të konsiderohen si një epidemi”, tha ai.
Ministri turk bëri me dije se pacienti është infektuar gjatë një udhëtimi në Evropë.
