Konfirmohet rasti i parë me koronavirus në qytetin e Sarandës. Bëhet fjalë për një shtetase ukrainase, e cila ndodhet me pushime në qytetin bregdetar.
Gruaja u paraqit në Urgjencën e Spitalit të Sarandës pas shqetësimeve shëndetësore, e shoqëruar nga partneri i saj dhe pas testimit të kryer rezultoi pozitive. Rasti sipas mjekëve ishte izoluar menjëherë në mbërritje sepse ishte shumë i dyshimtë dhe sot në mëngjes është transporturar drejt spitalit infektiv në Tiranë.
3 vetë personel shëndetësor që kanë pasur kontakt me këtë paciente janë vetëizoluar në banesat e tyre.
Bluzat e bardha si dhe efektivët e policisë së Komisariatit Sarandë, po punojnë për gjurmimin e kontakteve të saj dhe rasteve të tjera të mundshme.
