Teksa Botërori në Rusi po afron, nga ana tjetër kanë nisur edhe përgatitjet për koreografinë dhe këngëtarët që do të përformojnë në hapjen e këtij kompeticioni. Sipas “The Guardian”, këngëtarja nga Kosova, Era Istrefi, do të këndojë këngën zyrtare të Kupës së Botës në një duet me aktorin Will Smith dhe Nicky Jam. Kënga pritet të njoftohet ditën e premte përmes Billbordeve.
“Will Smith po i rikthehet muzikës, pasi do ta incizojë himnin zyrtar të Kupës së Botës 2018 me yllin e zhanrit të muzikës reggaeton, Nicky Jam dhe këngëtaren kosovare të muzikës pop, Era Istrefin”-vijon më tej artikulli i britanikes.
Kënga pritet të publikohet më 25 maj dhe është duke u prodhuar nga Diplo, producenti amerikan që i ka realizuar hitet “Lean On” dhe “Cold Water” me grupin e tij Major Lazer. Kënga zyrtare e Kupës së Botës zakonisht performohet në ceremoninë hapëse apo përmbyllëse të turneut.
