Dy persona të tjerë kanë rezultuar pozitiv me koronavirus në Kosovë, duke e çuar në 63 numrin total të të infektuarve.
Lajmi u bë i ditur nga Instituti Kombëtar i Shëndetësisë Publike të Kosovës. Bëhet fjalë për dy gra, njëra me vendbanim në fshatin Vrapçiç-Gjilan, ndërsa tjetra me vendbanim në fshatin Studime e ulët-Vushtrri.
“Rastet e konfirmuara pozitive janë raste kontakti të gjinisë femër, njëra me vendbanim në fshatin Vrapçiç-Gjilan e moshës 25 vjeçe dhe tjetra me vendbanim në fshatin Studime e ulët-Vushtrri e moshës 73 vjeçe”, thuhet në njoftimin e IKSHPK.
Vetëm një viktimë është konfirmuar nga koronavirusi në Kosovë, teksa qeveria ka marrë masa të reja për parandalimin e përhapjes së kësaj sëmundjeje.
Presidenti Thaçi i ka kundërshtuar vendimet e qeverisë për ndalim të qarkullimit, duke kërkuar interpretimin e Gjykatës Kushtetuese.
