Presidenti Ilir Meta ka përshëndetur Konferencën e Donatorëve që po zhvillohet sot në Bruksel, në ndihmë të Shqipërisë, për procesin e rindërtimit pas tërmetit shkatërrimtar të 26 nëntorit.
Përmes një postimi në rrjetin social Facebook, Meta shpreh mirënjohjen e thellë “për solidaritetin dhe kontributin e vendeve pjesëmarrëse dhe kontribuuese”.
Reagimi i plotë i Metës: “Përshëndes Konferencën e Donatorëve që po zhvillohet në Bruksel, në mbështetje të Shqipërisë, për kapërcimin e pasojave të tërmetit të nëntorit të vitit të kaluar, e njëkohësisht shpreh mirënjohjen e thellë për solidaritetin dhe kontributin e vendeve pjesëmarrëse dhe kontribuuese”.
