Kryeministri Rama ka reaguar pas vendimit të Komunitetit Musliman, për të anuluar faljen e namazit dhe çdo tubim tjetër në xhami. Komuniteti Mysliman i Shqipërisë, duke vlerësuar situatën e paprecedentë të krijuar nga kjo epidemi, ka marrë disa masa të nevojshme për të mbrojtur qytetarët, nga një infektim i mundshëm nga COVID-19.
Rama shkruan në një koment në Facebook, se ky është vendimi i duhur, ardhur në kohën e duhur. Sipas tij, ky është mesazhi më kuptimplotë që Komuniteti Mysliman mund ti jepte mbarë popullit shqiptar.
Statusi
“KUR BIE EPIDEMIA AS MOS SHKO ATY KU KA RËNË AS MOS LËVIZ NËSE BIE ATY KU JE”, porosit Profeti Muhamet, paqja e Zotit qoftë mbi të.
RESPEKT, RESPEKT, RESPEKT për KOMUNITETIN MUSLIMAN QË VENDOSI ANULLIMIN E FALJES SË NAMAZIT DHE TË ÇDO TUBIMI NËPËR XHAMI
KY ËSHTË JO VETËM VENDIMI I DUHUR NË KOHËN E DUHUR, POR EDHE MESAZHI MË KUPTIMPLOTË QË KOMUNITETI MUSLIMAN MUND T’i JEPTE MBARË POPULLIT SHQIPTAR.
FALEMINDERIT.
