Kryeministri Edi Rama ka dalë sot në komunikimin javor, ku ka folur në një video-mesazh lidhur me luftën ndaj kanabisit.
Sipas Ramës, 2017-a është viti i fitores së qartë ndaj kanabisit në vend, ndërsa akuzoi opozitën për propagandë kundër arritjeve të vendit tonë.
Kryeministri thotë se sot në vend ka një rënie drastike të numrit të vrasjeve.
FJALA E RAMËS:
E nisëm më fitoren e shtetit mbi krimin e organizuar e vazhduam me arritje jo të lehta, sapo kemi përfunduar këtë vit me një fitore të qartë pëllëmbë për pëllëmbë në të gjithë hartën tonë.
Vetëm qorrat që s’duan të shohin, shurdhët që s’duan të dëgjojnë mund të gjejnë një fjalë tjetër për rezultatet e kësaj lufte, përveç fjalës shqipe “sukses”.
Vetëm në dy vite kemi sekuestruar 80 milion euro pasuri të krimit, mirënjohje e përgëzime për të gjithë ata drejtues të policisë që tregon raporti. Trup, hetim e ndëshkim për ata punonjës policie që u joshën nga krimi e u bënë palë me të.
Kanabisi s’u kultivua në 4 vitet e fundit. Mandati ynë i parë nuk mbrojti Lazaratin, as nuk e shmangu detyrën për ta luftuar atë.
Në luftën me drogën Policinë e Shtetit u sprovua rëndë, duhej të ngrihej në këmbë pas një degradimi.
Falë propagandës së shfrenuar të opozitës sonë, që lumin e baltës e dergji edhe në Brukesl, Shqipëria u aderua pa të drejtë.
Jam këtu për të nënvizuar se ky sukses është vetëm fundi i dëshiruar të kësaj faze. Shqipëria sot ka rënien drastike të numrit të vrasjeve.
Nesër do miratojmë Task Forcën në Policisë e Shtetit. Kjo strukturë do marrë përsipër operacionin me afatgjatë kundër krimit të organizuar. Natyrisht nuk do jetë sekret misioni i operacionit që është punuar prej 3 muajsh. Ky operacion do jetë një orë e të vërtetës për marrëdhëniet mes krimit dhe politikës.
