Komisioni Hetimor për presidentin Ilir Meta ka zhvilluar sot mbledhjen e parë, pas 3 muajsh pushim.
Situata për shkak të pandemisë ka sjellë ndryshime të shumta në lidhje me çështjet që ky komision ka administruar. Komisioni pranoi opinionin e Komisionit të Venecias si pjesë e dosjes. Raporti i tyre, i cili i jepte të drejtë kreut të shtetit për emërimet në kushtetuese do të jetë mbi tavolinën e deputetëve.
Kryetari i Komisionit, Ulsi Manja tha se komisioni duhet të miratojë raportin përfundimtar të çështjes deri në datën 18 korrik.
Manja e quajti zyrtarisht të mbyllur hetimin ndaj Metës dhe kërkoi diskutimin e argumenteve dhe 20 provave shkresore për çështjen e ngritur, duke përfshirë edhe dy raportet Venecias.
