Komisioni i Venecias ka dhënë opinionin e saj për dy ligjet e dërguara për rishqyrtim. Bëhet fjalë për paketën anti-shpifje dhe për përplasjen PRESIDENCË- KUVEND për emërimin e gjyqtarëve në Gjykatën Kushtetuese. Lidhur me këtë Opinion, një reagim ka ardhur nga kryeministri Rama, i cili i shpreh mirënjohje Komisionit të Venecias për Opinionin mbi “Antishpifjen”.
Kreu i qeverisë vlerëson sugjerimet e Komisionit, dhe bën apel që të adresohen pa humbur kohë në Kuvend, në mënyrë që të garantohet me ligj e drejta e njerëzve për t’u mbrojtur nga shpifja.
Statusi
Mirënjohje Komisionit të Venecias për Opinionin mbi “Antishpifjen”!Tani pa humbur kohë të adresojmë në Kuvend sugjerimet e vyera dhe të garantojmë me ligj të drejtën e çdo njeriu për t’u mbrojtur nga Shpifja, si dhe detyrimin e çdo portali për t’u identifikuar si subjekt i ligjit.
