Komisionerja Europiane për Çështjet e Brendshme, Ylva Johansson zhvilloi një vizitë zyrtare në Tiranë, ku u takua me Presidentin e Republikës, Ilir Meta, kreun e PD, lULZIM Basha dhe kryenegociatorin e Shqipërisë, Zef Mazi.
Gjatë konferecës për mediat, Johansson përgëzoi Shqipërinë për progresin e arritur, në veçanti vitin e fundit për çështje që kanë të bëjnë me drejtësinë dhe punët e brendshme, sigurinë dhe migracionin.
Ajo theksoi nevojën e një bashkëpunimi më të mirë policor dhe një zbulim të krimit në kufijtë tanë.
Komisionerja u ndal dhe tek zgjedhjet e 25 prillit, teksa theksoi se partitë duhet të marrin përgjegjësitë për kandidatë me integritet.
“Shqipëria po i afrohet zgjedhjeve dhe të gjitha partitë duhet të marrin përgjegjësitë që të kenë integritet të kandidatëve në lista. Ky ka qenë një takim vërtetë shumë i mirë dhe jam këtu për t’iu uruar për këtë progres por sigurisht që akoma më shumë duhet bërë”, tha komisionerja europiane.
