Bitcoin shënon rekord të ri botëror, arrin vlerën 1 trilion dollarë

Numri i përgjithshëm i tregtimit së kriptomonedhës Bitcoin ka arritur vlerën e më shumë se 1 trilion dollarëve.

Kjo për shkak se çmimi i një bitcoin arriti të premten vlerën më të lartë të të gjitha kohërave. Një bitcoin aktualisht kushton rreth 56,620 dollarë dhe ka rreth 18.6 milionë monedha në qarkullim.

Vlera e kësaj valute shkoi në 56.620 dollarë, duke shkaktuar rritje për 18 për qind vetëm brenda një jave e 92 për qind vetëm gjatë vitit 2021, shkruan agjencia e lajmeve, Reuters.

Kriptomonedha e famshme u bë më e vlefshme më treg pasi u dhanë dëshmi se ajo ka filluar të pranohet nga investitorët dhe kompanitë e mëdha, si Tesla, Mastercard dhe BNY Mellon.

Vlerë rekorde shënoi edhe kriptomonedha e dytë sipas kapitalit në treg, Ether, duke shkuar në 2.040 dollarë dhe duke shënuar rritje javore për rreth 12 për qind.

Nga fillimi i vitit 2020, vlera e Bitcoin u rrit për 593 për qind. Në atë kohë, vlera e Bitcoin ishte vetëm 7.208 dollarë.

Platforma për pagesa në internet, PayPal, njoftoi në tetorin e vitit të kaluar se do t’i lejojë klientët që të përdorin kriptomonedha që të bëjnë blerje nga 26 milionë shitësit që ekzistojnë në rrjetin e saj.