Hera e parë në botë: Tumori i veshkës hiqet nga një robot kirurgjikal

Për herë të parë në botë, një robot kirurgjikal hoqi një tumor malinj të veshkave teksa pacieni ishte zgjuar.

Ndërhyrja u krye në Departamentin Universitar të Urologjisë në spitalin Molinette në Torino, shkruan Rai News.

Një grua 62-vjeçare, pasi kishte mundur një tumor shumë vite më parë në mushkëri, tani jetonte me një masë tumoriale në veshka që vazhdonte të rritej dhe nuk mund të hiqej. Rreziku operativ ishte shumë i lartë për shkak të problemeve të saj të frymëmarrjes.

“Unë tashmë isha vizituar në qendra të ndryshme italiane të ekselencës, ku ata më thanë se e vetmja terapi ishte heqja e masës. Anesteziologët më thanë se kishte një rrezik prej 80% për të mos u zgjuar nga operacioni,”, tha pacientja.

Masa e veshkave ishte rritur ndjeshëm muajt e fundit, duke tejkaluar 5 centimetra, dhe ishte shumë e thellë.

Operacioni ishte bërë urgjent si për rrezikun e përhapjes së tumorit ashtu edhe për pamundësinë e heqjes vetëm të masës, duke kursyer veshkën nëse do të ishte rritur më tej.