57 efektivë të Policisë së Bufalos, në New York, kanë dhënë dorëheqjen nga detyra, pas pezullimit të dy kolegëve të tyre të cilët akuzohen se përplasën në tokë një protestues 75-vjeçar.
Raportohet se efektivët dhanë dorëheqjen nga skuadra speciale, por jo nga puna e rregullt në Policinë e qytetit.
Guvernatori i shtetit të New Jork-ut, Andrew Cuomo, e cilësoi të turpshëm veprimin e dhunshëm të dy efektivëve.
Ndërkohë autoritetet bëjnë me dije se i moshuari, Martin Gugino, ndodhet i shtruar në spital në gjendje të rëndë.
