Ish-njeriu më i afërt i kryeministrit Edi Rama, kreu i “Zgjidhja”, Koço Kokëdhima ka treguar emrat që e përjashtuan nga Partia Socialiste. Kokëdhima vuri në dukje se i pari ishte miku i tij më i afërt, Edi Rama, kurse i dyti, konkurrenti i tij që ditën e parë kur u bë pjesë e kësaj partie, Gramoz Ruçi.
Duke folur në emisionin “Studio e Hapur”, në “Neës 24”, Kokëdhima vuri në dukje se kryeministri Rama bashkë me njerëzit e tij në PS tentuan që ta bëjnë partinë e tij “Zgjidhja” një fraksion të Partisë Socialiste.
“Ne i kërkuam kompromis ku të bëhesh një asamble pune dhe të pranohesh zgjidhja dhe programi i saj. Ne i ftuam të krijonin hapësirë debati dhe jo kongres për paradën e sukseseve të qeverisjes Rama. Një lëvizje që u krijua nga mijëra njerëz, si do shpreheshin ata njerëz? Do iknin në shtëpi sepse i dëboi Rama dhe Ruçi, të iknin nga Partia Socialiste”, tha Kokëdhima.
