Bosi i Cosa Nostra, është në gjendje të rëndë shëndetësore. Agjencia e lajmeve “Ansa.it”, shkruan se bosi corleonez Totò Riina, është në frymën e fundit të jetës.
Ai është i shtruar në spitalin e Parmas, ku i është nënshtruar dy operacioneve, por tashmë është në koma. Prokurori dhe Ministri i Drejtësisë Andrea Orlando nënshkruan lejen që fëmijët të mund të ishin pranë tij në momentet e fundit të jetës. Sipas mediave italiane, ai ka rënë në koma prej ditësh pas dy operacioneve që ka bërë.
Ai është 87 vjeç dhe u arrestua më 15 janar 1993 pas 24 viteve në arrati. Por Salvatore Rina, ende konsiderohet nga hetuesit italiane si udhëheqësi i padiskutueshëm i organizatës famëkeqe Cosa Nostra. Riina po vuan 26 dënime të përjetshme për dhjetëra vrasje dhe masakra, duke përfshirë edhe sulmet e ’92, ku humbën jetën Falcone e Borsellino.
Ishte zgjedhja e tij ku nisi një sulm të armatosur kundër shtetit në fillim të viteve 1990. Kurrë nuk kishte tërheqje dhe pendim, edhe vetëm tre vjet më parë, kur nga burgu teksa fliste me një të burgosur tjetër, mburrej për vrasjen e Falcone dhe vazhdonte të kërcënonte magjistratët.
Gjyqi i fundit në vazhdim, i cili është ende në zhvillim e sipër,i ashtuquajtura negocimi i Mafia-Shtet, i cili akuzohet për kërcënime ndaj Trupit Politik të Shtetit.
“Për mua ti nuk je nuk Toto Riina, ti je baba im dhe kjo është një ditë e trishtuar për mua, por është e rëndësishme që të mund të uroj gëzuar ditëlindjen baba. Të dua shumë, Salvo yt”.(Tirana Today)
